wararka

Diyaaradaha Maraykanka Oo Beeralay Ku Laayay Gobolka Shabeellaha Hoose.

Wararka ka imaanaya deegaanka Daaru-Salaam ee gobolka Shabeellaha hoose ayaa xaqiijinaya in diyaaradaha Maraykanka habeenkii xalay duqeymo ka geysteen deegaankaas, halkaas oo ay deganyihiin dad shacab ah.

Diyaaradaha Maraykanka ayaa dhowr Gantaal waxay ku dhufteen dad Beeralay ah oo xilligaas ku sugnaa beerahooda, waxaana la xaqiijiyay iney geeriyoodeen illaa iyo 3 Ruux oo kamid ah dadka deegaanka Daaru-Salaam.

Lama oga sababta ku riixeysa Maraykanka inuu dadka shacabka si indha la’aan ah u beegsado, balse waxaa soo kordhayay bilooyinkii dambe in ciidamada Maraykanka iyo diyaaradaha ay adeegsadaanba ay si bareer ah u laayaan dadka Soomaaliyeed.

Waxaa dad badan ay xasuusanayaan xasuuqii ciidamo Maraykan ah deegaanka Bariire ugu geysteen beeralay Soomaaliyeed, iyagoona halkaas ku dilay inkabadan 10 Ruux.

Deegaanka Daaru-Salaam ayaa 5-tii bishii May ee sanadkan wuxuu marti geliyay weerar xoogan oo lagala hortagay ciidamo Maraykan ah oo kusoo xadgudbay deegaanka, iyadoona Maraykanku qirtey in halkaas looga dilay Askari Ameerikaan ah oo kasoo shaqeeyey dalalka Afqaanistaan iyo Ciraaq.

Leave a Reply

Your email address will not be published. Required fields are marked *

*