wararka

Degdeg: Askarta Mareykanka Ee Bankraft oo Machad Ku Yaalla Sh/Dhexe Ku DIlay 4 Caruur Ah Iyo Mucaalim Kuwa Kalana Qafaashay.

Askarta Mareykanka ee loo yaqaano Bankraft ee fadhigoodu yahay garoonka Balli-doogle ayaa habeenkii xalay dhacdo wuxuushnimo ah ka geystay machad diinta islaamka lagu barto oo ku yaalla gobolka Shabeelaha dhexe.

Ciidamadan oo ay wehliyeen kuwa Soomaali ah kuna socdaalayay dhulka iyaga oo wata Kaarayaal sidoo kalana dul heehaabayeen dayuuradaha Daroniska ayaa ku habsaday machadka oo ku yaalla degaanka Jiliyaale oo 50 KM galbeedka kaga beegan magaalada Jowhar, waxaana ay ku dileen 4 caruur ah iyo hal mucallim.

Sidoo kale waxay qafaasheen caruur kale kuwaasoo aan illaa iyo hadda la ogeyn nolol iyo geeri waxa ay ku sugan yihiin. Machadkan ayaa waxaa lahaa beesha Gaal-jecel gaar ahaan jufada Barsane halkaasoo caruurta lagu barayay Qur’aanka kariimka ah iyo culuumta kale ee sharciga ah.

“Walaalow waxaa meesha ka dhacay indho xumo, waxaan arkay ilmo saqiirro ah oo la dilay oo aan waxba galabsan, waxaa taas iiga sii daran sida wuxuushnimada ah ee ay gaaladu u dishay, arday kasta waxay ku dhufteen xabado badan LAA ILAAHA ILLALAAH” sidaasi waxaa yiri’ mid kamid ah indheer garadka degaanka oo aan la hadalnay.

Qaramada midoobay iyo hey’adaha xuquuqda aadanaha ayaa dhawaan soo saaray warbixinno ay ku dhiirra galinayeen in la beegsado macaahidda diinta islaamka lagu barto islamarkaana ay ku sheegayeen in wilaayaadka islaamiga ah ay kusoo badanayaan caruurta lagu ababiyo barashada diinta islaamka, walibana waxay dhacdadan kusoo aaday iyadoo maalin uun kahor ay qormada arrinta soo saartay.

Machadkan ayaa waxa uu noqonayaa kii ugu horreeyay ee ay Mareykanku beegsadaan kuna dilaan caruur yaryar kuwa kalana ku qafaashaan.

Muddo dhowr bilood laga joogo ayay ahayd markii ciidamo reer galbeed ah ay weerareen machad lagu baranay culuumta sharciga ah laguna tarbiyeynayay gabdho laga keenay Yurubta kuwaasoo ay qafaasheen kuna celiyeen halkii markii hore laga keenay iyagoo ku marmarsiyoonaya in gabdhaha lagu qasbayay barashada diinta islaamka ayna soo badbaadiyeen!

 

Leave a Reply

Your email address will not be published. Required fields are marked *

*