wararka

Aqoonyahan Filastiini ah Oo lagu dilay dalka Maleyziya.

Faadi waa ninka xiga midigta, waa sawir laga qaaday isagoo billad la gudoonsiinayo.

Wararka ka imaanaya dalka Maleyziya ayaa sheegaya in koox hubeysan ay dileen aqoonyahan filastiini ah oo kamid ah jaaliyadda reer Filastiin eek u nool dalka Maleyziya ee qaaradda Asia.

Aqoonyahanka la dilay waxaa lagu magacaabaa Faadi Al-badhsh, isagoo ku wajahnaa masjid ku yaala wuqooyiga magaalada Kulalmbuur ee caasimadda wadankaas si uu ugu soo tukado salaadda subax.

Labo nin oo in muda ah daba taagnaa Faadi ayaa la sheegay iney rasaas ku fureen Faadi, taas oo keentay in durba uu halkaas ku quur baxo.

Booliiska magaalada Kulalmbuur oo warbaahinta la hadlay waxay sheegeen iney wadaan baaritanno lagu ogaanayo cida ka dambeysa dilka ninkan kasoo jeeda dalka Filastiin oo sanooyinkii ugu dambeeyay ku sugnaa Maleyziya.

Wuxuu takhasus gaar ah u lahaa handasada Electroniga oo uu shahaado PHD ka heysto, waxaana uu macallin ka ahaa jaamacad ku taalla wadanka Maleyziya.

Ehelka Faadi oo ku sugan magaalada Qazza lana hadlay warbaahinta ayaa sirdoonka Yahuudda ee Muzad ku eedayay iney iyagu ka dambeeyaan dilka wiilkooda loogu geystay dalka Maleyziya.

Sirdoonka Yahuudda ayaa shaqooyinkiisa ugu weyn waxaa kamid ah inuu beegsado qof kasta oo wax gal u leh muslimiinta Filastiin, kuna sugan wadamada dibadda, qadiyad ahaanna taageera muqaawamada iyo iskacaabinta ay wadaan Reer Filastiin.

Leave a Reply

Your email address will not be published. Required fields are marked *

*