Xarakada Shabaabul Mujaahidiin Maxay Ka Yiraahdeen Weerarkii Halgan.?

Dagaal Xoogan oo saaka ka bilowday Magaalada Halgan Ee Gobalka Hiiraan  ayaa soo gabagaboobay Barqadii Maanta oo Khamiis ah.

War Lagu Qoray Barta Telegram Ku Leedahay Idaacadda Alshabaab ayaa Lagu sheegay in Dagaalka Bilowday salaadii Subax kadib qasaaro xoogan loogu gaystay Ciidamada Itobiya.

Afhayeenka Ciidamada Sheekh Cabdalcasiis Abuu Muscab oo si horu dhac ula hadlay wakaaladaha wararka ayaa sheegay in dagaalka ku dileen 43 askari oo katirsan Ciidamada Itoobiya.

“Weerarkan oo ahaa mid aad u xoogan ayaa ku bilowday camaliyad Istish-haadi ah oo uu fuliyey halyeey Mujaahid ah, ka dibna waxaa xigay weerar xoog ku gal ah oo ciidamada Mujaahidiinta ay ku iqtixaameen saldhigga cadowga.”ayaa Lagu Yiri Qoraalka ay daabacday Idaacadda Andulus.

Dagaalka Saaka ayaa ah Midkii ugu xooganaa ee Mudooyinkaan qasaaro xoogan kala Kulmeen Ciidamada Itoobiya ee Kusoo Duulay Dalka Soomaaliya.

Camaliyad Istish-haadi ah oo  lagu daahfuray weerarka, ayaa Dhulka Dhigtay  inta badan saldhigga iyo gaadiidkii ku jiray,

Camaliyada ayaa waxaa ku baxay Ciidamo badan oo intooda badan Hurdayeen halka kuwa kale ay ku qornaayeen ilaalada Xerada kuwaasi oo ka war helay Gaariga walxaha qarxa laga soo buuxiyay.

intaasi kadib waxaa xerada ku daatay Ciidamo katirsan Shabaabul Mujaahidiin oo xerada Ka dhex bilaabay Toogasho.

Ciidamo katirsan Xabashida Itoobiya oo Ka Badbaaday weerarka isugu jiray Qarax iyo kan tooska ahaa ayaa howdka ucararay waxaana wax yar un kadib isku aruursadeen   Tog ku yaalla banaanka magaalada si ay isaga difaacaan xabada kaga imaanaysa Ciidamada Mujaahidiinta Alshabaab.

Xarakada Ayaa dajisay xeelad kasta oo ay ku naafeen kareen ciidamada Itoobiya waxaana Ciidamo gaar ah oo Inqimaasiyin ah udaateen Godka ay Galeen Ciidamada Itoobiya Halkaasi oo uu ka dhacay Dagaal la isku Hilboobay.