Aala-Sucuud oo dil Toogasho ah ku xukumay Tobaneeyo Ruux.

Maxkamad ku taalla magaalada Al-Riyaad ee caasimadda maamulka Aala-Sucuud ayaa xukun toogasho ah ku riday Tobaneeyo Ruux, kuwaas oo ay ku eedeysay iney basaas u ahaayeen dowladda shiicada Iiraan.

Aala-Sucuud ayaa dadkan la xukumay oo tiradoodu gaareyso 30 Ruux waxay ku eedayeen iney damacsanaayeen howlgelinta unug jawaasiis ah oo u shaqeysa Sirdoonka Iiraan.

Sida ay sheegayaan Warbaahinta, waxaa raggan gacanta lagu dhigay sanadkii 2013 waxaana markaas lagu eedayay iney u shaqeeyaan Sirdoonka Iiraan, iyadoona dacwadooda ay saddex sano oo xiriir ah soo jiitameysay.

Sodonka Ruux ee la xukumay ayaa waxay kasoo kala jeedaan Xaramaynka, Afqaanistaan iyo weliba dalka Iiraan.