DEG-DEG: Safiirkii Ruushka ee dalka Turkiga oo la dilay.

Waxaa goordhow magaalada Ankara ee caasimadda dalka Turkiga lagu toogtay safiirkii u fadhiyay Ruushka dalkaas.

Qof ku hubeysnaa Bastoolad ayaa rasaas ooda kaga qaaday Safiirka oo ka  hadlayay kulan ka socoday magaalada Ankara.

Safiirka ayaa markii hore waxaa soo gaaray dhaawac culus, waxaana markaas kadib loola cararay cisbitaalka isagoona u geeriyooday dhaawacii soo gaaray.

Ruuxa weerarka fuliyay oo ku hadlaya luuqadda Turkiga ayaa sheegay in weerarkan uu geystay uu Aargud u yahay Muslimiinta Xalab.

waxaa sidoo kale goobta lagu dilay Ruuxa dilka geystay oo ah qof dhalinyaro ah islamarkaana ku labisnaa dhar madow.

Weerarkan ayaa si aad ah looga hadal hayaa guud ahaan caalamka, waxaana uu kusoo beegmay iyadoo dowladda Ruuska gumaad ba’an  ka wado dalka Suuriya.