Dhageyso:Alshabaab oo Xukun Dil ah Ku Fulisay Rag ushaqeynayay Maraykanka iyo Maamulka Kismaayo.

Boqolaal dad ah ayaa shalay galinkii danbe isugu soo baxay fagaare ku yaala deegaanka Yaaq-baraawe ee gobalka Bay halkaasi oo lagu dilay 3 ruux oo ukala shaqeynayay CID-da Maraykanka iyo Maamulka Jubbaland ee xaruntiisu tahay Kismaayo.

1-Cabdullaahi Gaabey Maxamed Nuur oo 36 jir ahaa ayaa lagu eedeeyay jaasuus ushaqeeya CIA- da Maraykanka.

2-Maxamed Iimaan Xasan Da’diisu tahay 42 sanno jir waxaa lagu eedeeyay inuu basaas u ahaa maamulka Axmed Madoobe.

3-Maxamed Shariif Cali Da’diisu ay tahay  21 sanno jir waxaa lagu eedeeyay inuu basaas u ahaa  maamulka Kismaayo ee Axmed madoobe.

Mid kamid ah qudaada xarakada Alshabaab ayaa xukunka ku dhawaaqay kadibna rag shabaabka katirsan ayaa fuliyay xukunkaasi iyagoo qaarka sare ka toogtay eedeysanayaasha.

Dhageyso Codka Qaadiga riday xukunka Yaaq baraawe.

Xarakada Shabaabul Mujaahidiin ayaa goobaha ay kataliso marar badan ku toogatay dad basaas u ahaa shisheeyaha iyo dowladda waxaana ay wali gacan adag ku wajahaysaa jawaasiista ka dhex shaqeysa goobaha ay ka aramiso.