Sawirro: Soomaali ku dhamaatay duqeyn ka dhacday dalka Yaman.

Diyaaradaha dowladaha Carabta ee duqeymaha kawada dalka Yaman ayaa duqeeyey doon ay saarnaayeen inkabadan 100 Ruux oo u badnaa dad Soomaali ah kuwaas oo ka tagay dalka Yaman kuna sii jeeday dalka Suudaan.

Dadka la duqeeyay oo ahaa Qaxooti  Soomaali oo watay aqoonsiga hay’adda Qaramada midoobay u qaabilsan arimaha Qaxootiga ayaa saarnaa doon yar, waxaana gantaal ku dhuftay diyaarad nooca Abatsh ah oo aan la ogeyn sababta rasmiga ah ee ay u beegsatay doontan shacabka siday.

Ugu yaraan 40 Ruux oo Soomaali ah una badan dumar iyo Caruur ayaa geeriyooday, waxaana jira dhaawacyo kale kuwaas oo la keenay magaala xeebeedka Al-Xudeyda oo ah halka ay markii hore dadkan ka ambabaxeen kuna taalla dalka Yaman.

Sawirro la soo qaaday waxay muujinayaan meydad is garab yaala oo ay caruur ku jiraan.