Wasiirka Gaashandhiga Maraykanka Oo Isku Day dil ka Badbaaday.

James Mattis wasiirka gaashandhiga dowladda Maraykanka oo booqasho qarsoodi ah ku tagay dalka Maraykanka ayaa ka badbaaday isku day lagu doonayay in Dunida lagu dhaafiyo, kadib markii Sawaariikh culus lagu garaacay garoon uu ku sugnaa.

Sida uu sheegay Wariye la socoday wefdiga Wasiirka Gaashandhiga Maraykanka, dhowr gantaal ayaa kusoo dhacay garoonka diyaaradaha magaalada Kaabul daqiiqado kadib un markii uu garoonka soo gaaray wafdiga uu Wasiirka hogaaminayay.

Waxaa wasiirka la socoday madaxa Ururka Nato Jens Stoltenberg, kuwaas oo si wadajir ah ula kulmay Taliyaha guud ee ciidamada Shisheeyaha ku sugan dalkan Muslimka ah ee Afqaanistaan.

Maamulka Taagta daran ee Kaabul ka dhisan ayaa xiray dhaq-dhaqaaqa Garoonka, markii ay duqeyntu billaabatay, waxaana weerarkan uu banaanka soo dhigay sida ay Mujaahidiintu sirdoon ahaan u sarreeyaan, iyagoona ogaaday safarka Wasiirka oo dhuumasho ku socday.

Maraykanka ayaa dalka Afqaanistaan waxaa ka jooga ciidamo gaaraya kudhowad 15 kun oo Askari, waxaana intaas dheer ciidamada xulafada la ah ee ku wehlinaya duulaankaas, dhawaan ayayna ahayd markii Donald Trump madaxweynaha Maraykanka ee qaba cudurka dhimirka uu sheegay inuu ciidamo u diri doono dalka Afqaanistaan.

You might also like

Leave A Reply

Your email address will not be published.