Duuliyaal Diyaaradeed oo Imaaraatka u dhashey ayaa ku dhintay diyaarad ku burburtay dalka Yaman.

Taliska dhexe ee ciidamada Imaaraatka Carabta ayaa shaaciyay dhimashada labo duuliye oo katirsan ciidamada cirka ee Imaaraatka, kuwaas oo qeyb ka ahaa ciidamada kahowlgala dalka Yaman.

Labada duuliye ee dhimatay ayaa lagu kala magacaabaa Siciid Seyf, iyo Badar Yaxyaa, waxayna ahaayeen saraakiil sar sare oo katirsan ciidamada cirka ee Imaaraatka, faafaahin intaas kabadanan ma bixin.

Balse sarkaal katirsan ciidamada xukuumadda Yaman ayaa sheegay in diyaaradda soo dhacday uu nooceedu ahaa Abatshi, islamarkaana ay ku dhacday galabnimadii maalintii talaadada degmada Al-Buqac ee gobolka Sacda oo dhaca wuqooyiga Yaman.

Ma ahan diyaaraddii ugu horeysay oo Imaaraatka uga soo dhacda dalka Yaman, ugana dhintaan saraakiil sar sare, bishii Ogosto ayay ahayd markii sidan oo kale diyaarad dagaal ay Imaaraatka uga soo dhacday gobolka Shabwah ayna uga dhinteen 4 Sarkaal oo Duuliyaal ahaa.

You might also like

Leave A Reply

Your email address will not be published.