Xillibaan katirsan Baarlamaanka DF Oo Dhintay.

Xillibaan Bootaan Ciise Caalin oo katirsanaa Baarlamaanka dowladda federaalka ayaa xalay ku geeriyooday Isbitaal ku yaala dalka Hindiya, halkaas oo maalmihii ugu dambeeyey uu ku sugnaa, islamarkaana lagula tacaalayay xanuuno soo wajahay.

Ehellada Xillibaanka ayaa warbaahinta maxalliga ah u xaqiijiyay geerida Bootaan Ciise Caalin, balse ma sheegin sida loo hayay iyo xanuunka uu sababsaday Xillibaanku.

Bootaan Ciise Caalin wuxuu kamid ahaa Isbaheysigii Dagaal Oogayaasha Ashahaada la dirirka ee Maraykanku ka dhisay magaalada Muqdisho sanadkii 2006 ee ay la dagaalameen Shacabka Reer Muqdisho iyo Maxaakimitii Islaamiga oo is kaashanaya.

Sanadihii ugu dambeeyay wuxuu ahaa Xillibaan katirsan baarlamaanadii dowladihii KMG iyo mida federaalka ee isa daba raacay.

You might also like

Leave A Reply

Your email address will not be published.