Booliiska dalka Sweden oo Qoys Muslim Suuriyaan ah ka qaatay Canugooda.

Waxaa baraha bulshada ee Internetka ku faafay muuqaal naxdin badan oo muujinaya hooyo Muslimad Suuriyaan ah oo canug ay dhashey si xoog ah uga qaadanayaan askarta booliiska dalka Sweden.

Muuqaalka waxaa ka muuqanaya askarta Police-ka oo canug aad u da’yar qaadanaya islamarkaana la fuulayo gaari ay wateen, waxaana hooyada dhashey canuga ay isku dayeysaa iney soo ceshato wiilkeeda iyadoona dhanka gaariga u carareysa, waxaana markaas qabanaya askari kale oo Booliis oo dhulka ku celinaya kadib markii uu ka xoog badiyay.

Aabaha dhalay wiilka oo lagu magacaabo Xassaan Al-Sukari oo la hadlay telefeshinka Aljazeera ayaa sheegay in Booliiska wadanka Sweden ay canugooda ka qaateen, kadib markii ay ku eedayeen waalidiinta canuga iney si qallafsan ula dhaqmaan wiilkooda, waa sida ay hadalka u dhigeen.

Aabe Xassaan oo ay ilmeynaya, murug badana ay ka muuqato ayaa xaqiijiyay in wiilkooda laga qaatay, wuxuuna waxa dhacay ku tilmaamay arin naxdin leh, isagoona Alle kaalmo iyo gargaar weydiistay.

Qareen ku sugan magaalada Stockholm ee dalka Sweden oo isna ka hadlay arinta dhacday ayaa sheegay in ay sharci tahay in canugaas ay booliiska lasoo wareegaan, islamarkaana iyagu barbaariyaan, maadaama uu sheegay waalidiintu ay ilmuhu si wanaagsan ula dhaqmi waayen.

Qaar kamid ah dadka deriska la ah qoyska muslimka ah ee wiilkooda laga qaatay ayaa Polic-ka u gudbiyay macluumaad qaldan oo la xiriirta qoyska, waxayna ooyinta canuga oo xanuunsan oo aad u badan darteed ay sheegeen in waalidintan ay canugooda aad u garaacaan.

Arintan musiibada ah ayaa ka jirta wadamada Reer galbeedka, waxaana jira qoysas badan oo xitaa Soomaali ay ku jiraan oo caruurtooda lagala wareegay.

 

You might also like

Leave A Reply

Your email address will not be published.