Faafaahin: Inkabadan 10 Askari oo Ciidamada Booliiska Kenya Looga dilay Weerar Ka dhacay Mandera.

Faafaahin dheeri ah ayaa laga helayaa khasaaraha ka dhashey weerar dhabagal ah oo maalintii shalay ciidamo katirsan Booliiska Kenya loogu dhigay duleedka magaalada Mandheera oo kamid ah dhulka NFD ee Kenya xooga ay ku heysato.

Warbaahinta Kenya ayaa maanta aad u hadal haya khasaara lixaad leh oo ciidamadooda ku gaaray dagaal ka dhacay inta u dhexeysa Mandheera iyo Dabisati, kaas oo dhexmaray ciidamo katirsan Xarakada Mujaahidiinta Al-Shabaab iyo Booliiska Kenya.

Ugu yaraan 12 Askari ayaa saraakiil katirsan Kenya qirteen in dagaalkaas looga dilay, kuwaas oo la hadlay warbaahinta gudaha dalka Kenya, waxaana ay sheegeen in dhanka kale laga gubay labo Gaari oo nooca dagaalka ah.

Xarakada Mujaahidiinta Al-Shabaab waxay dhankeeda sheegtay in inkabadan 15 Askari ay ku dileen Kamiinkaas, kuna furteen hub iyo Agab milliteri.

Shacabka Kenya ayaa aad u hadal haya weerarkan oo mar kale banaanka soo dhigaya habacsanaanta ciidamada Amaanka Kenya iyo sida Mujaahidiinta uug jilba fidsanayaan dhulka Muslimiintu leeyihiin ee Kenya xooga ku heysato.

Ciidamada Kenya ayaa si isku mid ah waxaa loogu dhiig bixinayaa gudaha Soomaaliya oo ay duulaan ku joogaan iyo gudaha dhulka ay xooga ku heysato ee Muslimiintu leeyihiin.

You might also like
1 Comment
  1. abu fatima says

    Mana garatay waataad doraad guluf ahaydeene
    Waataad gafiyo qooq kutimid Gediyo Waamoode
    Waatay gumaysigi cadaa gacan ku siiyeene
    Galin baa tirtiri waayadaad koon kan galiseene
    Gool kuma ad dhalisaan waxaad galalafay saane
    Gumaysiga rag wiiqaa kiciyo geesi ciil qabaye
    Gaashaan dhig baan yeelaniyo geesh an qaahayne
    Guuloow adaa quwad lehee gaalka jabi maanta

Leave A Reply

Your email address will not be published.