Mareykanka oo Qirtay Inuu Ku Lug Lahaa Caruurtii Lagu Xasuuqay Sh/dhexe.

Saraakiil ka tirsan hogaanka ciidanka Mareykanka ayaa Talafeeshanka CNN u sheegay iney ciidamadoodu ku lug lahaayeen weerarkii habeen hore ka dhacay degaanka Jiliyaale ee Sh/dhexe.

Saraakiishan ayaa ka dhawaajiyay in weerarka ay wada jir u fuliyeen iyaga iyo ciidamada Soomaalida ee ay iyagu tababarteen loona yaqaano Bankraft, waxaana ay kaalintooda ku sheegeen iney ahayd caawin.

Weerarku waxa uu ahaa mid arxan darro ah oo lagu gumaaday caruur yar yar oo baranayay diinta islaamka kuwaasoo lagu weeraray madrasadii ay wax ku baranayeen oo ay dhisatay beesha Gaaljecel gaar ahaan Jufada Barsane.

Mareykanka iyo Bankraft ayaa waxay halkaa ku gumaadeen afar caruur ah iyo mucallimkoodii iyagoo kaxaystay caruur kale, waxaana arrintan ay kusoo aaday iyadoo hey’adda HRW ay dhawaan soo saartay warbixin ay ku sheegtay in Xarakada Al-SHabaab ay caruurta baraan culuum ay ugu yeertay xag jirnimo oo ay ula jeedo diinta islaamka, waana midda keentay in Mareykanku uu weeraro caruurtaas.

 

You might also like

Leave A Reply

Your email address will not be published.