Diyaaradaha Maraykanka Oo Jubbooyinka ku duqeeyey Gaariga Ganacsade caan ah.

Duhurnimadii maanta ayaa diyaaradaha dowladda Maraykanka waxay duqeeyeen gaariga ganacsade caan ka ah gobollada Jubbooyinka, kaas oo aan wax lug ah ku lahayn loolanka Jihaadka ee ka socoda Soomaaliya.

Ganacsadaha gaarigiisa la beegsaday oo ka badbaaday duqeynta lagu doonayay in lagu khaarijiyo ayaa lagu magacaabaa Yacquub John, waana milkiilaha ceelka biyaha ee degmada Kamsuuma ee wilaayada islaamiga ee Jubbooyinka.

Ganacsadaha oo aan kula xiriirney qadka teleefanka daqiiqado kadib markii uu ka badbaaday duqeynta ayaa isagoo shooksan wuxuu noo sheegay inuusan awoodin inuu hadlo, balse uu dib ka faafahin doono wixii qabsaday.

Arintan waxay muujineysaa sida indha la’aanta ah ee diyaaradaha Maraykanka u beegsadaan dadka shacabka ah ee ku dhaqan gobollada Soomaaliya, waxaana waxba kama jiraan ah in duqeymaha ay ku beegsadaan oo keliya hogaanka iyo ciidamada Xarakada Mujaahidiinta Al-Shabaab.

You might also like

Leave A Reply

Your email address will not be published.