Dhakhtar ku lug lahaa dilkii Sheekh Usaama Oo laga saaray Xabsigii uu ku jiray.

Sida ay xaqiijiyeen ilo katirsna dowladda Paakistaan iyo qaar kamid ah ehellada Diktoor Pakistaani ah oo sirdoonka Maraykanka ka gacan siiyay dilkii Sheekh Usaama ayaa laga saaray xabsigii uu ku xirnaa, iyadoona la geeyey meel kale.

Saraakiisha la hadlay wakaaladaha caalamka waxay xaqiijiyeen in Afriidi laga saaray xabsiga Bishaawar oo uu ku xirnaa, islamarkaana la geeyey goob kale oo ka amaan badan halka lagu hayay.

Nin la dhshay diktoorkan oo lagu magacaaabo Jamiil ayaa sheegay in lagu wargeliyay in walaalkiisa laga saaray xabsigii uu ku xirnaa, islamarkaana loo wareejiyay goob kale oo amaan badan.

Majirto sababo rasmi ah oo la shaaciyay, lana xiriira waxa keenay in Afriidi laga saaro xabsigii uu ku xirnaa.

Dowladda Pakistaan ayaa ninkan sanadkii 2012-da waxay ku xukuntay xabsi gaaraya 33 sano, iyadoo ku eedeysay iney la shaqeeyay Jamaacaad islaami ah, waana arinta la yaabka leh oo keentay in la ogaado in ninkan uu sirdoonka Maraykanka kala shaqeeyay dilka Sheekh Usaama bin Laadin.

You might also like

Leave A Reply

Your email address will not be published.