wararka

Maamulka Yahuudda Oo Al-Qudus ka barakacinaya Ehellada dhalinyarada fulisa Holwgallo Jihaadi ah.

Maamulka Yahuudda ayaa qaaday tallaabo hor leh oo muujineysa tacadiyaadka ka dhanka ah shacabka muslimka ah ee Filastiin ee dalkiisa ay xooga ku qabsadeen Yahuudda.

Baarlamaanka maamulka Yahuudda ayaa ka dooday hindise lagu sharciyeynayo in magaalada Al-Qudus laga barakiciyo qaraabada dhalinyarada fulisa weerarada kelegii duulnimada ee lagu beegsado muwaadiniinta iyo askarta Yahuudda.

Qorshahan oo ay soo gudbiyeen qaar kamid ah xillibaanada ayaa waxaa socda doodiisa, balse isagoo weli la meel marin ayaa hadana maamulka Yahuudda wuxuu billaabay fulinta, iyadoona magaalada Al-Qudus laga barakiciyay ehellada dhalinyaro muslimiin ah oo fuliyay weeraro ka dhan ah Yahuudda.

Naadiyah oo ah gabar uu ka shahiiday nin lagu magacaabo Qassaan Abuu Jamal, islamarkaana degneyd magaalada Al-Qudus ayaa laga barakciyay gurigeeda, waxaana maamulka Yahuudu ku amray iney u guurto deegaannada Daanta-galbeed oo uu ka dhisanyahay maamulka maqaar saarka ee Filastiiniyiinta.

Naadiyah oo keliya maahan dadka ay Yahuudu ka barakaciyeen guryahooda, hooyo Sihaam oo dhashay wiil dhalinyaro ah oo fuliyay weerar lagu dilay askar Yahuud ah ayaa gurigeeda laga dumiyay, waxaana lagu amaray iney ka guurto magaalada Al-Qudus.

Horay maamulka Yahuuda wuxuu ciqaaba uga dhigi jiray dhalinyarada muslimiinta ee fulisa weerarada keligii-duulnimada in la burburiyo guryaha ay deganyihiin ehelladooda gaar ahaan dadka aadka ugu dhow, balse hadda waxaa muuqata in dulmigaas ay ku kordhiyeen dulmi kale oo ah in gebi ahaanba laga barakciyo guryahooda, burburinna loogu daro.

 

Leave a Reply

Your email address will not be published. Required fields are marked *

*