wararka

Weerar khasaare dhaliyay oo lagu qaaday saldhig Police oo ku yaala wadanka Iiraan.

Wararka ka imaanaya Jamhuuriyadda shiiciga ah ee Iiraan ayaa ku waramaya in dalkaas uu ka dhacay qarax culus oo lagu weeraray saldhig ay ku sugnaayeen ciidamo katirsan Police-ka xukuumadda shiicada ee Iiraan.

Saraakiil katirsan Ammaanka xukuumadda Iiraan ayaa xaqiijiyay in qof kaxeynayay gaari miineysan uu soo weeraray saldhig ay Police-ku ku leeyihiin magaalada Tashaabahar gobolka Siishtaan wa boloshistaan ee koofnur bari wadanka Iiraan.

Gaariga oo ku qarxayay ilinka saldhiga ayaa geystay khasaare isugu jira dhimasho iyo dhaawac oo gaaray ciidamada Police-ka, inta haatan la xaqiijiyay waxaa ku dhintay afar ruux, halka inkabadan 20 kalana ay ku dhaawacmeen.

Sarkaal Police-ka katirsan oo la hadlay warbaahinta wuxuu xaqiijiyay in qaraxa kadib ay goobtu ka dhacday is rasaaseyn socotay muda kooban, lamana oga in rag hubeysan ay gudaha u galeen saldhiga iyo in kale.

Xarakada Jihaadiga ee Ansaarul-Furqaan ayaa sheegatay mas’uuliyadda howlgalkan, iyadoona shaaca ka qaaday in mid kamid ha ragooda nafhuriyaasha ah uu weeraray saldhiga Police-ka, ayna dhimasho iyo dhaawac ku noqdeen saraakiil badan oo katirsna Police-ka.

Bayaan kasoo baxay Jamaacada waxay ku sheegtay in ay sii wadi doonto beegsiga ka dhanka ah dowladda shiicada ah ee Iiraana.

Leave a Reply

Your email address will not be published. Required fields are marked *

*