wararka

Malleeshiyaadka Khaliifa Xaftar oo dilay Aqoonyahan Liibiyaan ah oo ku jiray gacantooda.

Dagaal oogaha mujrimka ah ee Khaliifa Xaftar ayaa halkiisa kasii wada dhibaateynta dadka shacabka ah ee kudhaqan wadanka Liibiya, waxaana jirin cid illaa iyo hadda ka hortageysa dhibaatooyinkaas.

Ficilkii ugu dambeeyay ee gilgilay shacabka Liibiya waxa uu ahaa afduub malleeshiyaadka Xaftar u geysteen Aqoonyahan Liibiyaan ah, oo kamid ahaa dadka kusugan magaalada Darna ee Liibiya.

Dhowr beri kahor ayay malleeshiyaadka Xaftar waxay Maxamad Waniis ka afduubteen magaalada Darna, iyagoona u kaxeystay goobo qarsoodi ah oo ay ku tacdiibiyaan dadka.

Ugu dambeyn meydka Maxamed Waniis oo ay ka muuqdaan tacdiib daran ayaa lagu soo tuuray goob qashinka lagu keydiyo oo ku taalla magaalada Darna.

Maxamad Waniis ayaa ka qalin jabiyay jaamacadda Cumaril-Mukhtaar, wuxuuna kamid ahaa dadka caanka ka ah magaalada Darna.

Leave a Reply

Your email address will not be published. Required fields are marked *

*