Sawirro: Al-Shabaab oo La Wareegay Saldhiggii Faxfaxdhuun Ee Ay Ka Bexeen Ciidamada Kenya.

Ciidamada Kenya oo muddo ku dhow 10 sannadood hestay degaanka Faxfaxdhuun ee gobolka Gedo ayaa 02-03-2019 isaga huleelay saldhiggii ay degganaayeen, halkaasoo durbadiiba ay dib ula wareegtay Xarakada Al-Shabaab.

Kenyaatiga ayaa xerada ka tagay iyadoo sideedii u dhisan iyo qaar kamid ah agabyadoodii waxaana loo fasiran karaa in bixitaankoodu uu si degdeg ah ku yimid ama baqdin soo wajahday maadaama ciidamada Xarakada Al-Shabaab ay hadda ka hor soo af-jareen xeryo ay ciidamada Kenya degganaayeen sida:- Ceelcadde iyo Kulbiyow.

Sawirradan ayaa waxaa laga dheehanayaa culeys millatari oo halkan ku heystay askarta Kenya, waayo waxay dhisteen difaacyo badan oo dhaadheer oo juhdi iyo dhaqaale badan uu ku baxay. Intaa waxa dheer oo uu mid kamid ah sawirrada muujinayaa in ay xaalufiyeen dhirtii ku tiilay dhowr KM oo ku hareereysan.

Intaa waxa dheer oo ay muuqaaladan ku tusayaan raashin iyo wax yaabo kale oo ay ka carareen, waxaad arkeysaa fuustooyin, digsiyadii ay wax ku karsanayeen iyo gaari laga gubay oo ay qalfooftiisu meesha u taallo.

Askarta Kenya ma lahayn Suuli (Musqul) taa badalkeedana waxay ku xaajo gudan jireen qeybo kamid ah difaacyadoodii. Wariyaasheenii meesha tagay waxay dareemayeen ur badan, waxayna dabcan xeradan u baahan tahay nadaafad.

Afhayeenka ciidamada Xarakada Al-Shabaab oo shir jaraa’id qabtay dorraad ayaa sheegay in ciidamada Kenya ee Gedo ku sugnaa ay haatan ku hareen oo kaliya degaanka Buusaar halkaasoo wararkii ugu dambeeyay ee laga helay ay sheegayaan iney wadaan dhaqdhaqaaq bixitaan.

HOOS KA DAAWO SAWIRRADA

 

You might also like
1 Comment
  1. Amaal mohmed says

    Alahu akbar Alah akabar runahanti waa
    arin lagu farxo waaxan rajena mela badan oo
    cidamada kenya kusugan yihiin inay sidan oo
    Kale oga bixidonaan

Reply To Amaal mohmed
Cancel Reply

Your email address will not be published.