Wadooyinka Caasimadda Muqdisho oo Xiran.

Waxaa gebi ahaanba la xiray inta badan wadooyinka halbowlayaasha ah ee ku yaala magaalada Muqdisho, kuwaas oo ay isticmaalaan gaadiidka dadweynaha noocyadiisa kala duwan.

Wadooyinka ayaa lasoo dhoobay ciidamo hubeysan oo katirsan dowladda, kuwaas oo diidaya noocyda kala duwan ee gawaarida, oo ay ku jirto moota bajaajta oo si aad ah looga isticmaalo Muqdisho.

Ardeyda, dadka shaqooyinka u kallahaya iyo dhamaan bulshada ayaa la arkayay iyagoo lugeynaya, taas oo ay ka muujiyeen culees ballaaran.

Dadka reer Muqdisho ayaa sheegaya in wadooyinka oo horay u xirnaa hadda lasii xiray, ayna adagtahay iney kusii jiraan xaaladan.

Dhawaan ayaa taliska Police-ka dowladda federaalka war uu soo saaray wuxuu ku sheegay in la xiri doono guud ahaan wadooyinka Muqdisho, inta ay socdaan dabaaldegyada loogu magacdaray maalmaha xurriyadda.

Maxamad Cabdullaahi Farmaajo, madaxweynaha dowladda ayaa markii uu musharraxa ahaa waxa uu ballanqaaday in haddii la doorto aysan jiri doonin wado xiran, taas bedelkeeda wuxuu Farmaajo wadooyin horey u furnaa.