Ciidamo Burundi iyo Askar Soomaali ah oo lagu dilay howlgallo ka dhacay Shabeellooyinka iyo Muqdisho.

Saacadihii lasoo dhaafay waxaa dhacay silsilado weeraro ah oo beegsaday ciidamada Shisheeyaha iyo kuwa dowladda federaalka ee ku kala sugan Muqdisho iyo gobollada Shabeellaha hoose iyo Shabeellaha dhexe.

Qarax xoogan oo ciidamo katirsan kuwa Burundi lagula eegtay duleedka magaalada Jowhar ayaa dhaliyay dhimashada labo askari oo katirsan ciidamada Burundi.

Ciidamada Shisheeyaha ayaa rasaas furay, markii ay qaraxa la kulmeen, lamana soo werin waxyeello dadweynaha kasoo gaartay rasaastaas.

Sidoo kale, waxaa  magaalada Muqdisho ee caasimadda Soomaaliya lagu dilay askari katirsan ciidamada dowladda federaalka, kaas oo laga qaatay qorigii uu watay.

Dhanka kale, waxaa faafaahin laga helayaa weerar duqeyn loo adeegsaday oo maalintii shalay lagu garaacay saldhiga ciidamada dowladda federaalka ay ku leeyihiin deegaanka Ceel Saliini.

Ugu yaraan 40 madfac oo ka dhaca qoriga Hoobiyaha ayaa lagu garaacay saldhiga ciidamada dowladda ee Ceel Salliini, waxaana la helayaa faafaahin ku aadan khasaaraha.

Ugu yaraan 7 askari oo katirsan ciidamada dowladda federaalka ayaa ku dhintay duqeynta, waxaana suuragal ah in waxyeelladu ay sii kororto.

You might also like

Leave A Reply

Your email address will not be published.