Sarkaal katirsan Police-ka Kenya Oo Nairoobi Lagu dilay.

Talaadadii aynu soo dhaafnay waxaa magaalada Nairoobi ee caasimadda Kenya lagu dilay sarkaal sare oo katirsan ciidamada police-ka wadankaas, xilli uu ku jiray howlihiisa caadiga ah.

Xuseen Khuila oo ah sarkaalka la dilay ayaa kamid ahaa ciidamada ka howlgalaya saldhiga Kariobangi, waxaana isaga iyo ciidamo wada socda ay aadeen deegaanka Karogocho, halkaas oo looga soo sheegay inuu joogo qof laga shakiyay.

Intii uu socday howlgalka lagu doonayay in lagu qabto qofka laga shakiyay, ayaa waxaa sarkaalka xabadka kaga dhacay rasaas ka timid dhinaca saaxibadiisa.

Waxaa goobta ka dhacay banaanbax ay dhigeen dad careysan oo ay qaraabo yihiin sarkaalka Police-ka, iyagoona sheegay in rasaasta ku dhacday sarkaalka uu soo riday sarkaal kale oo Poolice ah.

Ciidamo badan oo katirsan Police-ka ayaa lagu soo daabulay goobta, kuwaas oo isku dayay iney ka hortagaan dadka careysan ee banaanbaxa dhigayay, waxayna dadku sheegayeen inaaney ahayn markii ugu horeysay oo ciidamada police-ku ay gacantooda ku toogtaan askari iyaga ka tirsan.

Dadka careysan oo u badnaa dumar iyo caruur ayaa gaaray deegaanka Korogocho, waxayna dalbadeen in cadaaladda lasoo taago qofkii geystay dilka.

Kenya waa wadan musuq maasuq badan, kuna noolyihiin qowmiyado iyo dad isku careysan, waxaana taasi keeneysaa in ciidamada ay dhexdooda mararka qaar is dilaan.

You might also like

Leave A Reply

Your email address will not be published.