Lataliyaha Gaarka Ah Ee Odawaa Yuusuf Oo Qarax Lagula Beegsaday Muqdisho.
Wararka ka imaanaya magaalada Muqdisho ee caasimadda dalka Soomaaliya ayaa tilmaamaya in barqanimadii maanta qarax xooggan lagala beegsaday sarkaal katirsan ciidanka militariga DF.
Qaraxa oo haleeyay gaari C/bile ah oo uu watay General Maxamed Xaashi oo ah Lataliyaha gaarka ah ee Odawaa Yuusuf Raage Taliyaha ciidanka militariga DF ayaa ka dhacay wadada u dhaxeeysa Digfeer iyo Isgooska Banaadir ee magaalada Muqdisho.
Sida ay tilmaameen ilo xog-ogaal qaraxa ayaa bur-buriyay gaariga lala beegsaday waxaana ku dhaawacmay General Maxamed Xaashi oo ahaa bartilmaameedka weerarkaan iyo hal askari oo kamid ah ilaaladiisa.
Sidoo kale qaraxa waxaa ku dhimatay 4 askari oo katirsanaa ilaalada gaar ah ee sarkaalka la beegsaday.
