Saraakiil KaTirsan Bankaraf oo Ku Dhintay Qarax Ka Dhacay Sh/dhexe.

Faahfaahin ayaa kasoo baxaysa qarax ka dhacay degmada Towfiiq (Cali Gaduud) halkaasoo lagu beegsaday askar ka tirsan kuwa uu Mareykanku tababartay ee loo yaqaano Bankaraf ama Danab.

Inta la xaqiijiyay waxaa weerarka ku dhintay 5 askari halka 5 kale ay ku dhaawacmeen. Halka rasimiga ah ee uu qaruxu ka dhacay ayaa lagu magacaabaa Juxaay oo ah duleedka Cali Gaduud.

Ilo wareedyo ayaan kasoo xiganay in saraakiishii lagu dilay qaraxii shalay ay kamid ahaayeen Kabtan Mursal Ciise oo ahaa sarkaal tababar kusoo qaatay dalka Mareykanka iyo sarkaal kale oo magaciisa lagu soo gaabiyay Naasir.

Dowladaha shisheeye ee uu Mareykanku u horreeyo ayaa isku dayaya iney hogaamiye kooxeedyo cusub ka sameystaan Soomaaliya maadaama kuwii hore ay noqdeen wax dhintay iyo kuwa hawlgab noqday oo waayeel ah, waxaana dagaalada dhacaya si joogto ah ugu dhammaanaya ciidamada ay shisheeyuhu tababarteen.

 

You might also like

Leave A Reply

Your email address will not be published.