Maxkamadda Al-Shabaab oo Xukuntay 5 Basaasnimo Lagu Eedeeyay. (Dhageyso)
Maxkamadda islaamiga ah ee Bakool ayaa xukun ku riday 5 nin oo lagu eedeeyay basaasnimo, kuwaasoo midkood uu Itoobiyaa xogo ka siin jiray Soomaaliya tan iyo waagii maxaakiimtii islaamiga.Magacyada eedeysaneyaasha ayaa kala ah sida tan:
1- Aweys Xaaji Xasan Liibaan da’diisu waa 41 sano jir wuxuu la shaqeynayay sirdoonada C.I.A-da Mareykanka iyo midka maamulka Koonfur Galbeed, jaajuuskan ayaa qeyb ka ahaa Shabakadii Boorow Tukow.
2- Cabdi Wahaab Cumar Mubaarag looyaqaano ” Lafoole” da’diisu waa 21 sano jir, wuxuu la shaqeynayay jawaasiista Mareykanka isagoo qeyb ka ahaa Shabakadii jawaasiista ee Dr Ayuub.
3-Zakariye Yuusuf Xuseen da’diisu tahay 30 sano jir wuxuu la shaqeynayay Sirdoonka Itoobiya, kaas oo laga soo diray magaalada Jigjiga ee dhulka Soomaaligalbeed.
4- Ibraahim Xassan Maxamed oo ku magac dheer ” Jaabir ” da’diisu tahay 49 sano jir wuxuu la shaqeynayay sirdoonka Mareykanka isagoo qeyb ka ahaa shabakadii jawaasiista ee Dr Ayuub.
5- Maxamed Abuukar Cusmaan da’diisu tahay 34 sano jir wuxuu la shaqeynayay sirdoonada Mareykanka iyo Kan Itoobiya, wuxuu hagi jiray duqeymihii cadowtooyo ee itoobiyaanku ku garaaci jireen degmooyinka gobolka Banaadir.
